Apirilaren 11n eta 12an, Lignanoko Bella Italia Efa Village pabilioian egin zen Junior mailako "Lignanoko European Cup".
15 eta 20 urte bitarteko (biak barne) judokei zuzendutako ekitaldian, 29 herrialdetako 640 judokak parte hartu zuten (399 gizonezkoenak eta 241 emakumezkoenak). Haietatik 39 judoka espainiarrak ziren, eta horietako bat MARTA BEORLEGI judoka nafarra (Judo Nafarraren Teknifikazio Zentroaren Programako kirolaria) izan zen.
MARTA Mostoleseko European Cup txapelketan (26/02/28) eta Portimaoko European Cup txapelketan (26/03/07) brontzezko domina lortu ostean joan zen hitzordu honetara, eta beste 32 judokarekin batera, 52 kg baino gutxiagokoen kategorian parte hartu zuen. Pisaketa larunbatean egin zuen, igandean, apirilaren 12an, lehiatzeko. Nafarrak kategoriako ZILARREZKO DOMINA lortu zuen.
BEORLEGIk Sandugash Teeirbek kazajaren aurka irabazi zuen bere lehen borrokaldia eta Haruka Okamoto japoniarrari irabazi zion hurrengoan. Final-laurdenetan, Alice Bersellini italiarrari gailendu zitzaion, eta finalerdietan Tabea Nika Mecklenburg alemaniarrari irabazi zion. Finalean Klara Erten alemaniarraren aurka galdu zuen, eta bigarren postuan amaitu zuen.
Kanporaketa erantsitako dokumentuan ikus daiteke.
ARGAZKIAK argazki galerien atalean ikus daitezke, baita hemen sakatuz ere.
