Asteburu honetan Nafarroako Federazioko Mixed Ability Rugby sailak Durango RT hartu zuen intentsitate, errespetu eta joko oso onez beteriko lagunarteko partiduan.
Talde nafarrak hasieratik markatu zuen erritmoa, bere esperientzian eta jada finkatutako joko egitura batean oinarrituta. Hala ere, partida erosoa izatetik urrun, Durango RT-k izaera lehiakorra erakutsi baitzuen uneoro.
Lehiatzeko ibilbide laburra izan arren —hau da bere lehen denboraldia—, talde bisitariak argi utzi zuen nortasun oso definitua duela, eta, batez ere, inoiz amorerik ematen ez duen talde handia. Etxekoen intentsitatea jaisten zen bakoitzean, Durangoren erantzuna iristen zen entsegu moduan.
Azken emaitzak, 33–17k, nafarrei eman zien garaipena baina markagailuak ez du guztiz islatzen partidaren exijentzia.
Garaipen honekin, Nafarroako Mixed Ability taldeak bigarren denboraldia jarraian amaitu du, etengabe hazten ari den proiektua sendotuz.
Nafarroako Errugbi Federazioaren partez, IMAk bultzatutako Mixed Ability ereduarekiko konpromisoa berresten jarraitzen dugu, aukera berdintasuna sustatzen duena eta pertsona bakoitzak egin dezakeenean fokua jartzen duena, bere onena ateraz. Kirolaren bidez inklusioaren aldeko apustu argia.
Errugbia, balioak eta taldea: horixe da kontua.
Argazkiak, José Ángel Ayerraren adeitasunari esker ditugu.
